زواج غـــــــــــــــــــــــاده

[HmSaT_aLqAlOoB]

باقي يوم على زواج غاده وهي مومهتمه اوبمعنى أصح موبراضيه عن هالزواج حاولت ماتممه بس للأسف ماقدرت فقررت ترضى بالأمر الواقع

وهي جالسه ترتب شنطتها طاحت دمعه على خدها يوم تذكرت هالموقف

غاده غاده

هلا يوبه

ولد عمك منصور اليوم جاني يخطبك

منصور

إيه ونعم الرجل

بس هو خاطب بنت خالته

طيش شباب وأبوه عقله وقله مالك إلابنت عمك

مسحت هالدمعه وقالت الله يسامحك ياابوي

ماكنت اتوقع أخذ واحد مايبيني ومغصوب علي بس الحمدلله على قضاءه وقدره

وقامت تصلي وبقلبها هم كبير لو شالته الجبال طاحت ورفعت يدها للي عينه ماتنام

ونامت نووووم مريح مانامته من قبل

يوم الزواج

خواتها راجينها بقووووه

غاده غاده قومي شوفي بروفة الزفه بمشي بدالك

وغاده تضحك بس ضحكتها ماتعدى شفايفها يعني قلبها وعقلها بمكان ثااااني

دخلت أخت غاده الي أصغرمنها هناء تصيح بأعلى صوت غاااااااااااااااااااااااده

فجعتهم بس غاده كانت متعوده
ردت عليها غاده بنعومه لبيييييييه

ضحكوا البنات وقالت هناء والله لوتقولين لمنصور لبيه لتضيع علومه وضحكوا البنات
فهالحضه غاده سكتت وكأن سكين طعنتها بهالكلمه حاولت ماتوضح بس للأسف كل خواتها إنتبهوا بس على بالهم إنها مستحيه لأن غاده خجوووله

المهم تم الفرح وانبسطوا وجات لحضةدخول منصور

طبعا غاده كانت قاعده تصبر حالها بالإستغفار ويوم خواتها خرجوا وقالولها منصور داخل خافت وحست بصعوبة هالحضه


دخل أبوها مع منصور وهي راخيه راسها ماودها تطالع عشان ماتطيح الدمعه الي بعينها
قرب منها أبوها ومسك يدها وقال هذي بنت عمك ومايحتاج أوصيك عليها

إبتسم منصور وقال إبشر بعزك

الحين ممكن نستأذن ياعمي

ناظر فيه عمه وقال يعني لوقلتلك لا بتسمع كلامي
ضحك منصور وقال ماني عاصيك بس ماظنيتك بتوهقني

غاده بهالوقت مايحتاج اقولكم شصارلها قلبها كان بيطلع من مكانه وماكان على لسانها إلا يارب ساعدني


خرج منصور يقرب السياره من المدخل وهي سلمت على اهلها
وخرجت

ركبت فالسياره وهي موعارفه عنه شي والغريبه إنه ماكلمها من يوم مادخل

وهي تصبر عمرها وتقول الحين بيتكلم بيقول أي شي بس للأسف كأنها راكبه مع صنم
شوي إلا ويقطع هالصمت صوت جوال غاده

وكان دعاء السديس

شافت الرقم وطلعت هناء

ردت عليها
الو
هلاااااااا وغلاااااااا بالعروس
شعندك ياهنو

ههههههههههاي شفيك تتكلمين بصوت خافت لايكون تصلحين قدامه مؤدبه

حركااااات عرااااااااااايس قديمه

هنو انا بالسياره

يالله برحمك الله يعينك يامنصور بااااااااااي

في امان الله وصكرت السماعه

وشوي إلاهي واصله بيتها إستغربت ابوها قالها إنه بياخذ فندق نزل وشال البشت

وجا فتحلها الباب وساعدها لين دخلوا شقتهم طبعا هي ساكنه بنفس عمارة عمها بس هي بالدور الي فوق
دخل منصور وبدل ملابسه وهي جالسه بالصاله ونزلت الدمعه الي كانت ماسكتها
حاولت تمسحها إلا ومنصور داخل عندها بالصاله

وجلس جنبها
غاده

............


غاده
.........

ماتسمعيني

حاولت تنطق ماقدرت خافت تبكي ويفهم إنها ماتبيه

ماعلينا بتتعودين علي

الحين قومي بدلي ملابسك ونامي

وانا الحين بروح انام

قامت تجر خطاويها لشنطة ملابسها ويوم فتحتها لقيت هناء كاتبتلها ورقه

هذا الروب هديه مني لك

إلبسيه أول ليله
هنا جات غاده نوبة بكاااااااا

سمعها منصور وخاف دخل عليها وهو يقول شفيك ياغاده

عسى ماشر
إرتبكت وقالت

ها لا مافي شي

بس تعبانه
قال تبيني اوديك المستشفى قالت ها لا لا

[HmSaT_aLqAlOoB]

ناظر فيها بعين قويه خافت منها غاده ورخت راسها

قال منصور بصوت كله خشونه وقسوه شفيك

بكت اكثر من قبل


قال غاده شفيك

وهي بس تبكي

ناظر في الورقه الي بيدها

قال شفيها هالورقه

ارتبكت وقالت

ها هناء الحين هي اصلا قالتلي إن أمي بكره بتجي

ناظر فيها منصور وقال انا ماقلتلك إش قالتلك هناء انا قلت الورقه الي بيدك وش مكتوب فيها
سؤالي واضح

مسكت الورقه بقوه وقالت خواتي كاتبين لي ذكريات

قال وعشان كذا تبكين

مسحت دموعها مثل الأطفال وقالت إيه

قام منصور وعلى وجه طيف إبتسامه
وقبل مايخرج قال

غاده

رفعت راسها جهته

قال انا مشيت الهرجه بكيفي لأن ماودي أحرجك بس الورقه ماكان فيها ذكريات على قولتك


قطع قلبها بهالكلمه بس حمدت ربها إنه ماتلقف واخذ الورقه وقراها
وقامت وهي تكلم نفسها

لوكان قراها ياهناء ماراح اسامحك طول عمري

راحت أخذت دش وبدلت ملا بسها وقامت تصلي

أذن الفجر وهي جالسه على سجادتها قامت ودخلت غرفة النوم عشان تصحي منصور

ولقيته بسابع نومه

تذكرت عمها يوم كان يقول إن منصور يتعبهم لين يقوم لصلاه

جلست جنبه وهي مرعوبه وماعلى لسانها إلا يارب ساعدني
منصور
.....

منصور
....

منصوووووووووور

هاااااااااا

الصلاه
امممممممم

الصلاه
......
منصوروووووووووووووووور
إذا قامت الصلاه ناديني

لا بتقوم الحين [ضحكت فنفسها وحست بإحساس حلو ]

رفع البطانيه وقال

لا ها

حست بإصرار بقلبها وقالت يالله قوم الصلاه

غاده انا تعبان من امس مانمت

غاده جا فبالها إنه مانام مثلها من خوف المواجهه
قالت بس لازم تصلي

قال ياغاده بس دقائق عيوني تطبق فبعضها

قالت صل وتعال نام براحتك

قال الأمر لله
وقام توضا وهي مبسوطه إن منصور قام يصلي

راحت تصلي وهي جالسه تقرا اذكارها سمعت صوت المفاتيح وعرفت إن منصور جاء

دخل وقال غاده انا قلت لغازي يشتري فطور انا بنام لاجاب الفطور إفطري

انقهرت من اسلوبه وكملت اذكارها

قامت تتجول فالبيت

دخلت غرفة النوم وشافت منصور منسدح جات جنبه ولاإراديا حطت يدها على جبهته وقرأت عليه الأذكار وقالت يااااااارب إصلحه وسخره لي ياكريم

بس منصور ماكان نايم سمعها وماوضح

جا فبالها تكلم هناء

دقت على جوال هناء والعاده هناء ماترد كيس نووووووووووم

وهالمره ردت

الووووووووووووووووووو
اهلين هنو

الوووووووووووو

شفيك هنو ماتسمعيني
ماني مصدقه إذني


هههههههههه ليه

عروس وتذكريني لا صراحه فيك الخير لهالدرجه إنتي تحبيني
إنتي ليه حاطه فبالك إن العروس تنسى أهلها

ههههههههه لأني اول وحده بحذفكم من القائمه اول مااتزوج لمدة شهر

لا كريمه بس شهر

والله هو شهر مبدئي على حسب العريس إذاكانت جلسته ماتنمل بحذفكم على طوووووووووول
هههههههههه والله يجي منك

الحين وين منصور

نايم

لا

والله

الحين هالقمر عنده وينام

هو قلي إنه مره تعبان

إلا وتسمع صوت جوال يدق

غاده هذا جوال منصور

شكله

روحي شوفي من الي داق

يالله فمان الله

مع السلامه
راحت تشوف المتصل

لقيته واحد اسمه ابو عزوز

بقلبها تقول هذا مايدري إنه عريس حق وشو داق الحين

جاها فضول تقرا الرسايل

فتحت الصندوق الوارد

ولقيت رسايل من ابو عزوز

فتحت أول رساله

منصور إعقل وبعدين خلاص كل شي تم وماينفع الي راح تسويه إوعدني ماتظلم البنت معاك

غاده على طول عرفت إنها المقصوده

ونزلت دمعه من عينها دمعة قهر وألم

فتحت الرساله الثانيه لأبو عزوز

إنت قلت لأبوك ماسمعلك تتوقع عمك يسمعلك

خرجت طوالي من صندوق الوارد ودخلت الرسائل المرسله

وفتحت اول رساله

اصعب شي إني انحرم من إختيار زوجتي وام عيالي انا قلتلك ياعبدالعزيز انا بسافر كم شهر وارجع ماني قادر

ماقدرت تكمل وحست الدنيا كلها ضاقت بعينها

يتبع

[HmSaT_aLqAlOoB]

رمت الجوال وقامت ماهي عارفه وين تروح ولا إيش تسوي جلست فوق الكنبه وهي تبكي وراحت عليها نومه

وماصحيت إلا على صوت الجرس

راحت جهت الباب ولقيته غازي جاب الفطور

حطت الفطور بالمطبخ وراحت تصلي الضحى وخلصت صلاتها وحطت راسها على الكنبه وهي حاسه بإحساس صعب ينوصف

قام منصور وشاف الساعه2ونص إستغرب إن غاده ماقومته وإستغرب إنها ماهي نايمه جنبه

طلع يدورها ولقيها نايمه فوق الكنبه

غاده
......
غاده
.......

غااااااااده

نعم

خير ليش نايمه هنا
......

خيرليش نايمه هنا

........
ماتسمعيني اعيد كلامي

كنت اصلي وراحت علي نومه

طيب قومي صلي الظهر

........
تبين شي انا نازل عند اهلي

إنت صليت

بصلي أسفل

وطلع من عندها وهي ودها ترجع بيت ابوها ولاتقعد ثانيه مع هالأدمي

وإسترجعت ليلتها وكيف كان ساكت طول ماهم بالسياره وعرفت إنه ماكان طايقها

تذكرت إن بالإستغفار ربي يغير من حال لحال

دق تلفون البيت راحت رددت

الو

غاده تجهزي وإنزلي أهلي عازمينا عالغداء

بس انا تعبانه

كيف يعني؟

يعني اسفه إنت تغد عندهم أما أنا بنام

غاده تجهزي انا الحين طالعك

قلتلك انا تعبانه

اوكيه الحين طالع


سكرت السماعه وراحت بسرعه تتوضا وصلت قبل مايجي


دخل منصور البيت

غاده
....

شافها تصلي وجلس يستنيها تخلص
خلصت

وجلست تستغفر وتسبح

ولا كأن أحد جالس جنبها

غاده
.......

غاده
نعم

إشفيك تعبانه

مرهقه

طيب الحين خلينا ننزل عند أهلي نتغدى وبعدين اوديك المستشفى

دام تبيني أنزل بنزل

يالله الله يرضى عليك عجلي

دخلت غرفتها وهي محتاره وش تلبس

دخل منصور عليها

هاالعروس وش بتلبس

..........

هههههههههه شفيك لايكون مستحيه

............

شرايك انا اختار لبسك

ها لا لوسمحت إطلع برى ببدل ملابسي

امممممممم وإذا قلت ماني طالع وش بتسوين

............

وش بتسوين

.......

منصوووووور

يالله أنا بنزل وإنتي الحقيني

لا ماأقدر أنزل لوحدي

ليه بياكلونك


خلاص إنزل وانا شوي ونازله



نزل منصور وهي لبست ونزلت


إستقبلها عمها وقالها هلا هلا والله بنت اخوي

ابتسمت وسلمت على عمها

جات عمتها وسلمت عليها وراحت عند بنات عمها نهى ورنا


نهى : هلا والله بمرت أخوي

غاده :هلا فيك

رنا: والله لو تشوفك هناء لتذبحك

غاده:ليه

رنا : هذا وجه عروس

غاده بقهر : ليه شفيه مو حلو

نهى : والله إنك قمر بس هي تقصد باين عليك مرهقه ومضايقه

دخل بهالحضه منصور وهو يقول

من يقدر يضايقها بس هي تعبانه لأنها مانامت زين
ناظرت فيه غاده بقهر ورخت راسها

ضحك وقال

غاده حياتي انا بروح عند واحد من الشباب وإنتي إجلسي عند اهلي وإذا تعبتي تقدرين تطلعين تنامين

اوكيه

ماردت عليه وقامت أخذت عبايتها وراحت تلبسها إستغربوا أخواته من حركتها


ناظر فيهم منصور وقال عن إذنكم

وطلع وراها

غاده

.........

غاااااده انا اتكلم

شتبي

كيف تسفهني قدام اخواتي ماتستحين

عيب عليك تقول لبنت عمك ماتستحين

مو ضروري تعتبرني زوجتك


نعم وش هالكلام

الي سمعته

غااااااااااااااااد قولي اعوذبالله منالشيطان
بكت غاده وقالت منصور تذكر وعدك لأبوي اناأمانه عندك

منصور بانت فملامحه الحزن من هالكلمه وهو يشوف غاده منهاره

يتبع

[HmSaT_aLqAlOoB]

حاول يهديها بس ماهو عارف كيف

منصور: غاده انا ماقلت شي يخليك تنهارين بشكل هذا

غاده ودموعها تنزل :ودي اروح لأهلي

منصور: شتبين الناس يقولون عنا يالله قومي إلبسي وبنخرج أي مكان
اهم شي عندي إنك تنبسطين

غاده:ومشوارك

منصور: كم عندي غاده وحده بس بأجل المشوار عشانها شرايك بس

غاده:......

منصور:هههههههه يالله قومي غيري عشان نطلع

غاده:مايحتاج انا لابسه

طلعوا وراحوا مطعم كان منصور مع غاده بالجسد بس أما عقله وقلبه بمكان
ثاني هذا الي حست فيه غاده حست بالقهر وقطعت هالصمت

منصور شرايك نرجع البيت

ها ليه ماعجبك المكان

لا حلو مابه شي بس انا تمللت

تمللتي؟ ليه يابعدي لايكون ماني عاجبك
دمعت عيونها وحست إنها ولا شي

إنت شفيك بس تبي تهاوش

ليه جني قدامك ابي اهاوش شوفي انا بطنش لأنك ماتعرفين طبعي لاكن والله
لوكررتي هالاسلوب معي مايصير خير

حاولت تقاوم دموعها بس نزلت غصب عنها

إنت ماعندك قلب

.......

رجعيني بيت اهلي

سديتي نفسي عن العشاء قومي مشينا

طول ماهم راجعين غاده بقلبها جرح وهي عارفه ومتأكده إن في وحده بحياة منصور
يس مين ماهي عارفه




يااااااااااااااارب فرج همي واصلح زوجي

جالسه بصاله منصور من يوم مارجعها خرج وماجاء للحين الساعه 11.30 بالليل

دق الباب راحت تشوف مين

عمها :السلام عليكم يابنتي

غاده : وعليكم السلام هلا والله تفضل

عمها:كيفك ياغاده وكيف منصور معك

غاده:الحمدلله تمام

عمها : والله يابنتي انا محرج منك بس جاي اقولك كلمتين وابيك تحطينها قدام عيونك

[منصور رجل والرجال قليل]
ابيك تحاولين تكسبينه منصور مثل الصقر حر يبي يصيد صيدته بنفسه وهو مقهور عشان حنا اخترناك له

عارف إن كلامي قاسي عليك بس منصور كلمني إنك طلبتي منه ترجعين بيت اهلك وانا جيت اعقلك

منصور طيب بس حاولي تكسبينه

خرج عمها وهي مصدومه ومحتاره تكلم اهلها ولالا

قامت تصلي وتدعي ربها إنه يهدي منصور ويرجعه سالم

الساعه1 باليل كانت نايمه وحست بمنصور يوم دخل ماوضحت إنها صاحيه
جا وحط كيس العشا جنبها وخرج جلس بالصاله وجلس عالنت

قامت وشالت الكيس وراحت عنده وحطت الكيس قدامه

غاده: وش هذا

منصور:اممممممم اتوقع ورق ملون

غاده:انا اتكلم جد

منصور:وانا بعد اتكلم جد طب إنتي وش شايفه

غاده: جايبني شغاله لك ولاتحفه فهالبيت لا وفوق هذا البيت فاضي مافيه اكل وإنت 24 ساعه برى البيت
وإذاجيت جبت معك اكل هنود معك

منصور:شوفي يابنت الناس انا ماظلمتك ولاتتبلين علي وحركات الدلع بطليها

غاده:رجعني بيت ابوي دام ماتبيني تاخذني وتحطم احلامي ليه

منصور: لاااااااا وش هالأحلام الي حطمتها لك يابنت العم

غاده:مالك دخل فأحلامي لايكون مصدق دور إنك زوجي

منصور :زوجك فوق عن خشمك وقام لاإراديا وصفقها كف

يتبع

[HmSaT_aLqAlOoB]

انصدمت من كف منصور وجلست تبكي

منصور طلع من البيت

قعدت تبكي وتتلوم نفسها انا ليش قمت من سريري وجيته يووووووووه

انا اكيد استفزيته اكيد جا فباله إني مابيه وابي واحد غيره

عشان كذا ضربني

امي قالتلي الرجال مو أي شي ينقاله طيب إش اسوي

اممممممممم اتصل على نهى

غاده:الو

نهى : هلا حبيبتي شفيك صايرلك شي

غاده: هاااا لا بس منصور عندكم
نهى:توي شفته خارج ماقالك وين رايح

غاده: انا كنت نايمه يوم طلع

نهى:هههههههه ياعيني عالحب ليه خفتي إنه نايم عندنا لاياقلبي ماراح
ينام إلا عندك

غاده:[هذا وقت هالكلام ليتنا نعيش بسلام بس] اكيييد
نهى توصيني شي

نهى : لايابعدي
غاده: مع السلامه
نهى : مع السلامه

ياااااااااربي شسوي الحين هالمجنون وين راح حتى جواله ماني حافظته

وفشله ادق على نهى واخذه

مالي إلا اقوم اصلي واكثر من الإستغفار

قامت صلت واوترت واستغفرت وانتظرت صلاة الفجر وصلت

دق الباب
غاده عارفه إنه مستحيل يكون منصور لأن منصور عنده المفتاح
غاده: ميين

خدامة عمها : مدام الفطور

غاده: شكرا

من عطاك هو

الخدامه: بابا منصور
غاده: منصور عندكم ومتى جاء

الخدامه انامايعرف مدام

غاده: شكرا
سكرت الباب وهي مقهوره يرسل فطوري علي حتى ماقال فنفسه يمكن زعلانه

جلست وفطرت من قلبها لأنها كانت جيعانه موووووووت

دق تليفون البيت فرحت وحست إنه منصور

غاده:الو

منصور: غاده انا حجزت والسفر الساعه 10 الصباح

غاده: وين
منصور: ماليزيا

غاده: لامابي
منصور: انا ماشاورتك انا خبرتك

صك السماعه

يووووووووه هالأدمي يرفع الضغط احسن شي اطنشه وماخذ على كلامه

وقامت غاده تجهز الشنط وهي متأكده إن الي ورى السفره عمها مو منصور

الساعه9 طلع منصور شقته

غاده ناظرت فيه بعيون مليان عتاب وماتكلمت معاه

منصور كان شكله يخرع ماكان شكله عريس بالعكس كان شكله

مسجون توه طالع

جهزتي شنطتك

غاده:.......

منصور: ماسمعتيني ولا طنشتيني

غاده:تفرق معاك

منصور: عجيييييييب

غاده:.......

منصور: غاده إنتي مغصوبه علي

غاده:إنت صاحي لاحشا مانت صاحي في واحد يسأل زوجته هالسؤال

منصور:زوجتي اخيرا إقتنعتي إني زوجك

غاده:.....

منصور: يالله مشينا

غاده : يالله

خرجوا من البيت وهي شايله هم هالسفره
اتفقوا يمرون على اهلها عشان تسلم عليهم

وهم واقفين عند بيت اهلها

غاده:منصور

منصور ماكان معاها كان ماسك جواله يقرا ويبتسم

غاده: منصور


منصور: ها لحضه بس

غاده: الي ماخذ عقلك

منصور ولاهو يمها انقهرت منه وخطفت الجوال من يده

والله اشتقتلك يامنصور ادري بتقولي إنسيني بس انا مستحيل انساك تدري

ليه لأني احببببببببببببببببببببببببك

تجمعت الدموع بعيونها وماتكلمت ولاكلمه مسكت باب السياره بتنزل بس منصور قفله

بسرعه

منصور كاقدر يرفع عينه بعينها


غاده: افتح الباب

منصور:......

غاده :إفتح الباب اقووووووولك

منصور شغل السياره ومشى

غاده: والله ماراح اتحملك دقيقه بعد اليوم انا ماني رخيصه لأمثالك رجعني بيت
اهلي

منصور:.....

غاده: إنت ماتحس مستحيل تكون إنسان دام إنك تحب ليه أخذتني ودمرتني معاك

منصور: غاده حبيبي إهدي

غاده ودموعها تنزل بدون ماتحس

لاتقول حبيبتك عمري ماراح أكون حبيبتك

منصور كان يمشي بأقصى سرعه عشان يوصل المطار بسرعه

اخذت غاده شنطتها وقبل ماتمسك جوالها كانت يد منصور اسرع

مسك جوالها وحطه بجيبه

غاده: مستحيل اسافر معك

منصور مسك يدها غاده هدي حياتي وراح افهمك كل شي

غاده: شالت يدها منه اناكم مره قلتلك انا ماني حياتك ولاتحلم تكون يوم بحياتي


وصلوا عند باب المطار

منصور:الحين إنزلي واناراح افهمك كل شي

يتبع

[(حلم عمري)]

تسلم الاياادي ع القصهـ

كمليهآ بليييييييز ابي اشوف وش صآر بنهايه

[HmSaT_aLqAlOoB]

«·¨*·.¸¸.»صباح النـور«.¸¸.·*¨`·»

شاكره روعة التواجد..


«·¨*·.¸¸.»تحيات ِ «.¸¸.·*¨`·»